प्रदेश सभा अन्तर्गत विभिन्न विषयगत समितिहरु मध्ये एक समितिको रुपमा रहेको यस सुशासन तथा योजना समितिको गठन कोशी प्रदेश सभा नियमावली, 2074 को नियम 130 बमोजिम भएको हो।प्रदेश सरकारलार्इ प्रदेश सभा प्रति उत्तरदायी र जवाफदेही बनाउन प्रदेश सरकारबाट भए गरेका काम कारबाहीको अनुगमन र मूल्याङ्कन गरी आवश्यक राय वा निर्देशन दिन समेतका लागि संविधानको धारा 193 बमोजिमका उद्देश्य प्राप्त गर्न गठन हुने संसदीय समिति लघु संसदको रुपमा रहने गर्दछन्।यस समितिको मुख्य कार्यक्षेत्रको रुपमा मुख्यमन्त्री तथा मन्त्रिपरिषदको कार्यालय, प्रदेश लोक सेवा आयोग, प्रदेश योजना आयोग, सुशासन अनुगमन तथा योजना रहेका छन्।